“Durrës Yachts Marina”, mashtrimi i Qeverisë po vijon punën e madje ka njoftuar edhe hapjen e shitjeve nëpërmjet prenotimeve, pa filluar puna për projektin për një tjetër godinë me 181 apartamente.
Kështu, ‘Monitor‘, bën të ditur se pas përfundimit të prenotimeve për shitjen e 233 apartamenteve në rezidencën “Parkvieë” që u mbajt më 8 mars, parashikohet që në datën 18 prill të zhvillohen prenotimet për shitjen e pronave të një ndërtese 7-katëshe në rezidencën “Parkland”.Për pronat që do të dalin në shitje më 18 prill, nga zyra e shitjes u pohua se për apartamentet me sipërfaqe neto nga 61 m² deri në 141 m², totali i vlerës së shitjes varion nga 110 mijë euro deri në 400 mijë euro. Çmimet për metër katror nisin nga 1,800 deri në 2,800 euro.
Shitjet fillojnë pa lejen e ndërtimit, vetëm vendasit “guxojnë” të blejnë në ajër
Edhe për këtë objekt në “Durrës Yachts Marina”, prenotimet për shitje do të zhvillohen pa u marrë leja e ndërtimit. Për këtë objekt, sipas zyrës së shitjes, leja e ndërtimit parashikohet të dalë pas 6 apo 7 muajsh. Shitja vijon me skemën e pagesës së prenotimit prej 1,200 euro dhe shlyerjen e totalit të vlerës së blerjes së apartamentit nëpërmjet 7 kësteve. Tarifa e paguar për prenotim nuk kthehet, por blerësit i llogaritet në këstin e fundit të pagesës.
Kështu si e ka nisur Bashkia Durrës shumë shpejt do të përfundojë si ajo e Tiranës, ku prokurorët e SPAK dhe agjentët e BKH do të zbarkojnë dhe do vendosin shiritat, e do zhvendosin zyrat e punonjësve të bashkisë në burgun më të afërt. Projekti i Portit të Durrësit është cilësuar një nga aferat më të mëdha të shkekullit, ku një pronë krahas vlerës historike, ka vlerë miliarda euro, i dhurohet një’investitori strategjik’ i cili thuhet se do të investojë 80 milion euro. E sikur të mos mjaftonte kjo shteti shqiptar është i detyruar të ndërtojë një port të ri mallrash, për të cilin u tha se do ndërtohej nga privati, por tashmë u vërtetua se do të merren nga taksat e shqiptarëve 430 milion euro. Gjithashtu shteti shqiptar është paditur nga kontraktori në portin e Durrësit për shkelje kontrate. Në “Durrës Yachts Marina” ka fillur shitja ndërkohë që çështja është akoma në procese gjyqsore.
