Në krah të studentëve protestues, është bashkuar edhe deputetja e PD-së, njëkohësisht pedagoge e Fakultetit të Historisë, Valentina Duka.
Në një postim në Facebook, Duka i ka bërë apel Ramës që të ndalojë talljen me studentët dhe të braktisë qëndrimet e tij arrogante përballë kërkesave që protestuesit i kanë parashtuar qeverisë.
Postimi i plotë i Valentina Dukës:
Qeveria Rama t’u jape fund talljeve me protesten e studenteve! U be me teper se nje muaj qe levizja studentore e ka vendosur para nje dileme kritike poziten e Edi Rames.
Studentet jo vetem nxorren bllof tere zhurmen propagandistike te kryeministrit arrogant per te ashtuquajturen reforme arsimore, por treguan qarte para te gjitheve rrjedhojat katastrofike te politikave qeveritare ne fushen e arsimit te larte, rrenimin ekonomik dhe krizen e besimit qe ka mbjelle pushteti i sotem ne shoqerine shqiptare. Rama dhe kabineti i tij qeveritar duhet te braktisin menjehere qendrimet kercenuese e mashtrimet dhe te plotesojne sa me pare kerkesat e studenteve.
