Fatbardh Kadilli, anëtari i Kryesisë së Partisë Demokratike ka deklaruar se do të marrë pjesë në mbledhjen e kryesisë që do të zhvillohet ditën e sotme në orën 11:00. Kadilli ka theksuar se në mbledhjen e sotme do të kërkoj që manifesti politik për ringritjen e PD të konsiderohet si dokument politik bazë për ndryshimet statutore, që do t’i paraqiten Kuvendit Kombëtar. Ai ka theksuar se duhet të ndërtojnë një PD të pastër, të hapur, të bashkuar dhe fituese.
“Në mbledhjen e Kryesisë do të kërkoj që Manifesti Politik për Ringritjen e PD të konsiderohet si dokument politik bazë për ndryshimet statutore që do t’i paraqiten Kuvendit Kombëtar. Manifesti Politik propozon një shndërrimi rrënjësor në PD. Zgjeron demokracinë e brendshme, forcon rolin e anëtarësisë në vendimmarrje, garanton karrierën dhe mbi të gjitha krijon terrenin për cdo iniciative politike. Ne duhet të ndërtojmë një PD të PASTËR, të HAPUR, të BASHKUAR dhe FITUESE!”, ka thënë anëtari i Kryesisë së PD-së, Fatbardh Kadilli.
Kujtojmë se Fatbardh Kadilli ka qenë kandidat për kryetar i PD-së, gjithashtu ai pranoi humbjen. Sekretari i Përgjithshëm i Partisë Demokratike, me një mesazh drejtuar anëtarëve ka lajmëruar se ditën e sotme në orën 11:00 do të mblidhet kryesia e PD-së. Bardhi ka theksuar se në fokus të kësaj mbledhje do të jetë masakra zgjedhore e 25 prillit.
