Romina Kuko, e cila garoi në zgjedhjet parlamentare të 11 majit si pjesë e listës së Partisë Socialiste në Qarkun e Korçës, ka dhënë dorëheqjen nga posti i zëvendësministres së Brendshme.
Pas sigurimit të një vendi në listën fituese, Kuko i ka dorëzuar zyrtarisht kërkesën për lirimin nga detyra kryeministrit Edi Rama dhe kryekomisionerit Ilirjan Celibashi.
“Pas përfundimit të procesit zgjedhor dhe konfirmimit të kualifikimit në listën fituese, paraqes dorëheqjen time nga funksioni i zëvendësministres së Brendshme, duke ju falënderuar për besimin dhe mundësinë për të shërbyer në këtë detyrë të rëndësishme”, thuhet në letrën e Kukos.
