Kryeministrja e Italisë është kërcënuar me jetë nga një 26-vjeçar i papunë, i pakënaqur me planet e qeverisë italiane për të reduktuar subvencionet për të papunët, u arrestua për kërcënime me vdekje ndaj kryeministres së Italisë Giorgia Meloni dhe vajzës së saj gjashtëvjeçare, njoftoi sot policia.
Siciliani është nën hetime për kërcënime në internet, shtëpia e tij u kontrollua dhe llogaria e tij në Tëitter u mbyll, tha policia në një deklaratë.
“Nëse i heq të ardhurat, do të vras, ty dhe vajzën tënde”. “Duhet vdekja e saj dhe e vajzës së saj”. “Vërtetë kujdes, ndalo me këtë gjë të heqjes së të ardhurave bazë përndryshe do të të vras ??por e kupton?”. Këto janë disa nga mesazhet që i riu i ka dërguar kryeministres së Italisë.
Qeveria e krahut të djathtë të Italisë, e udhëhequr nga Vëllezërit e Italisë, Giorgia Meloni, dëshiron të kufizojë disa përfitime sociale vitin e ardhshëm, përpara se t’i shfuqizojë ato plotësisht në vitin 2024, kur ato do të zëvendësohen me masa të reja që ende nuk janë shpallur.
Meloni, e cila është në pushtet që nga tetori, beson se qytetarët e aftë për punë nuk mund të jetojnë pafundësisht me ndihmën e shtetit.
Nëse propozimi kalon në buxhetin e vitit 2023, do të hiqen përfitimet e tyre, nga e cila parashikohet që të përjashtohen familjet me fëmijë, mbi 60-vjeç dhe personat me aftësi të kufizuara.
