Dy fëmijët e Liridona Ademajt mësohet se kanë udhëtuar të shtunën drejt Suedisë, vendi ku ata jetonin dhe më parë. Klan Kosova raporton se shteti suedez tashmë i ka marrë ata në përkujdesje, pasi dy fëmijët janë shtetas suedezë.
Deri më tani për këtë vrasje makabër, ku ngeli e vrarë nëna e dy fëmijëve, janë arrestuar nga Policia e Kosovës janë arrestuar 4 persona, mes tyre dhe Naim Murseli, i cili dyshohet se porositi vrasjen e gruas së tij.
Dje u arrestua edhe Tomë Dodaj nga Gjakova, i cili dyshohet se i ka siguruar armën e krimit bashkëshortit të Liridonës, Naim Murselit dhe ekzekutuesit të dyshuar Granit Plavës.
Gjykata Themelore e Prishtinës ua caktoi nga një muaj paraburgim Murselit, Plavës dhe Kokallës. Naim Murseli akuzohet për vrasje të rëndë në bashkëpunim, Granit Plava për vrasje të rëndë dhe armëmbajtje pa leje.
