Ministrja Balluku është përballur ditën e sotme me pyetjen nëse Shqipëria të ndërmarrë vendimin për ndërprerjen e energjisë elektrike në vend pas orës 22:00,
Por Balluku tha se diçka e tillë nuk ishte parashikuar. Në vend të kësaj, ministrja e Energjisë dhe Infrastrukturës tha se do të ndërpritej ndriçimi në ambientet publike pas orës 22:00 deri në orën 16:00 të pasdites.
Gjithashtu ministrja shtoi se të nesërmen së bashku me kryeministrin do prezantonin paketën e energjisë e cila sipas saj do kishte edhe disa masa drastike.
“Nuk më rezulton që të ketë masa për ndërprerjen e energjisë pas orës 22:00 sepse do ishte nëj masë emergjente. Por nuk ndodh kjo, pas orës 22 do aplikohet ndërprerja e ndriçimit të ambienteve publike. E ka nisur Gjermania, po e aplikojnë edhe shtete të tjera. Nëse me kryeministrin do bëjmë prezantimin e paketës së energjisë së bashku me disa masa drastike që do marrim në vijim”– tha Balluku.
Vlen të theksojmë se më 1 tetor faturimi i energjisë elektrike nuk do të jetë i njëjtë për të gjithë, si aktualisht me 9.5 lekë për kilovat. Këtë dimër, faturimi do të bëhet me fasha, kush shpenzon mbi 800 kilovat do të paguajë më shtrenjtë.
Nën këtë vlerë do paguhet 9.5 lekë/kilovat ora.
1 muaj larg faturimit me fasha, ende nuk është caktuar se cili do të jetë çmimi i ri për familjet që shpenzojnë mbi 800 kilovat që qeveria i konsideron familje të pasura.
