27 janari shënon ditën e përkujtimit të një prej ngjarjeve më të rënda të Luftës së Dytë Botërore, Holokausti. Në një vit që ka filluar me trazira në demokracitë më të mëdha të botës, kjo ditë na kujton se nazizmi është një ngjarje që nuk duhet të ripërsëritet kurrë.
Në vitin 2005 Asambleja e Përgjithshme e Kombeve të Bashkuara vendosi 27 janarin, ditën kur u çlirua kampi famëkeq i Aushvic-Birkenau në Poloni, ditën për të nderuar kujtimin e 6 milionë hebrenjve të vrarë nga nazizmi. Ky vit shënon edhe 75 vjetorin e çlirimit të kampit nga forcat ushtarake të Bashkimit Sovjetik.
Pas një përovje tmerrësiht të përgjakshme, Europa është sërish në kufijtë e një populizmi të ekstremit të djathtë që ka hedhur rrënjët duke përfituar edhe nga situata e rënduar ekonomke e sociale.
Në Itali ekstremi i djathtë përfaqësohet nga Lega e Salvinit, që ka qenë gjithmonë kundër emigrantëve me një nacionalizëm të theksuar. Nga ana tjetër në Spanjë, ekstremi i djathtë përfaqsohet nga VOX e Santiago Abascal që promovon nacionalizmin spanjoll dhe politikat ekstreme të djathta. Ndërkohë Hungaria, Polonia e vende të tjera kanë në pushtet qeveri të ekstremit të djathtë.
Jo vetëm Europa vuan nga populizmi. Brayili në Amerikën Latine, ka në pushtet një kryeministër të djathë që ka shkatërruar ekonominë e vendit dhe del me deklarata të guximshme për mosekzistencën e koronavirusit.
Fillimi i këtij viti na dëshmoi se edhe demokracia më e madhe e botës, Amerika, ka rënë pre e populizmit dhe ekstremit të djathtë. Mësymja e Kongresit nga grupe konspiracioniste dhe mbështetës të Trump tregoi edhe njëherë se sa të brishta janë idealet mbi të cilat janë ngritur revolucione dhe shtete.
Presidenca e Trump lëkundi themelet e demokracisë amerikane me politikat raciste, anti-emigracion dhe mbështetëse të korporatave.
Grupet neonaziste si Ku Klux Klan, Proud Boys apo Ëhite Boot, kanë marrë krah nga mbështetja e Trump dhe nga shpallja e AntiFa-së si organizatë terroriste.
Tashmë bota është në momentin kur duhet të mësojë nga e kaluara për të shmangur tragjedi edhe më të mëdha se ajo e holokaustit.
