Ditën e djeshme Deputetja e Partisë së Lirisë Erisa Xhixho denoncoi rikonstruksionin e një shkolle në Kamëz e cila nuk ishte përfunduar. Tërmeti ka sjellë pasoja të mëdha për vendin, apsi krahas shtëpuve edhe shumë objekte arsimore u prishën. Por procesi i rindërtimit pavarësisht se shumë fonde u akorduan nuk u realizua siç duhet. Në Kamëz banorët janë ankuar për shembjen e tre shkollave, pasi zhvendosja e nxënësve nga një shkolë në tjetrën po krijon një kaos. Vetë prindërit shprehen se janë detyruar të lënë punën për të bërë rregjistrimet dhe zhvendosjet e reje. Por, krahas kësaj disa prindër të tjerë shprehen se e kanë të pamundur të dërgojnë me makina fëmijët.
Fëmijët nga klasa e katërt deri në të nëntën, do të transportohen nga ana e bashkisë drejt shkollave, Isa Boletini dhe Vëllazërimi. Ndërsa për klasën e parë dhe klasën e tretë, nuk është gjetur asnjë zgjidhje. Disa prej prindërve kanë deklaruar se transferimin e shkollave e kanë marrë vesh vetëm të premten dhe u është dashur të linin punën për të regjistruar fëmijët e tyre në shkolla.
“Çunin e vogël e kam këtu, dy të tjerët i kam në shkollën tjetër. Unë jam me qera, të tre fëmijët i kam në shkollë. Unë nuk po ja dal dot. Sot kam marrë leje tek puna, se do i çoj vetë, kurse më tej, nuk e di kush e mban përgjegjësinë për fëmijët këtu. Unë personalisht nuk jam lajmëruar fare që kjo shkollë do shembet. Ka ngel më mirë të zhdukemi nga ky vend sepse nuk e kemi asnjë lloj të ardhme”– u shpreh njëri prej prindërve për Fax Web.
