Qytetarët kanë dalë sot në protestë në shenjë rebelimi për vrasjen e të riut Klodian Rasha, nga efektivi i policisë Nevaldo Hajdaraj.
Bëhet me dije se numri i qytetarëve në Sheshin “Skëndërbej” është më i vogël se netët e mëparshme.
Mësohet se në terren kanë qenë prezent dhe autoblindat dhe njësia e Ndërhyrjes së Shpejtë. Ndërkohë në Kryeministri policia është vendosur edhe pranë rrugëve dhe kryqëzimeve që lidhen me godinën.
Nga ana tjetër protesta ka patur edhe në Durrës, ku të rinjtë e FRPD-së kanë gjetur një formë ndryshe dhe shumë simbolike për të protestuar.
Ata ishin nisur drejt Drejtorisë së Policisë, duke mbajtur një arkivol të mbuluar me flamurin shqiptar në duar, ndërsa janë ndalur nga efektivët.
Mësohet se ata janë ndaluar në afërsi të rrethrrotullimit, ndërsa në polici është shoqëruar kreu i FRPD-së në Durrës, Artjon Bajrami.
Të rinjtë pohuan se zgjodhën që të protestonin me një arkivol për të treguar simbolin se ‘Drejtësia ka vdekur’./Gazetareforma.com/
