Dy automjete janë djegur gjatë natës në Shkodër. Ngjarja ndodhi rreth orës 03:25, në lagjen “Kongresi i Përmetit”.
Uniformat blu njoftojnë se kanë marrë flakë dhe janë djegur dy automjete tip “Benz ML” dhe “Kiron Ssanyong”.
Njoftimi i Policisë:
Shkodër/Informacione paraprake
Rreth orës 03:25, në lagjen “Kongresi i Përmetit”, ka rënë zjarr në 2 automjete, tip “Benz ML” dhe “Kiron Ssanyong”, në pronësi të shtetasit S. H.
Si pasojë janë shkaktuar vetëm dëme materiale.
Grupi hetimor vijon punën për sqarimin e rrethanave të rastit dhe përcaktimin e shkakut të rënies së zjarrit.
