Leonardo DiCaprio nuk ndalet në betejën e tij për mbrojtjen e lumit Vjosa. Aktori i njohur i Hollywood ka kërkuar vazhdimisht që mbi lum mos të ndërtohen diga, ndërsa edhe sot ka bërë thirrjen e radhës duke përmendur në emër edhe politikanët shqiptarë. Ai ka paostuar një video në Instagram krahas së cilës shkruan se Lumi Vjosa është lumi më i mad hi egër në Europë dhe është jetësor e i rëndësishëm për më shumë se 1,100 lloje të peshqve të ujërave të ëmbla dhe është kulturor i rëndësishëm për njerëzit në Shqipëri. Në fund të shkrimit ai i bën thirrje të gjithve për ta shpërndarë videon dhe përmend Edi Ramën, Lulzim Bashën, Ilir Meta dhe Monika Kryemadhit që të bëjnë të njëjtën gjë.
Statusi i DiCaprio-s:
“Javën e kaluar, në Ditën Botërore të Ujit, aktivistët në të gjithë Evropën i kërkuan qeverisë shqiptare dhe Komisionit të Bashkimit Evropian të mbështesin Parkun Kombëtar të Vjosës tani.
Lumi Vjosa është lumi më i madh i egër në Evropë. Janë 300 kilometra që rrjedhin pandërprerë nga burimi i saj në malet në Greqi në detin Adriatik. Lumi është jetësor e i rëndësishëm për më shumë se 1,100 lloje të peshqve të ujërave të ëmbla dhe është kulturor i rëndësishëm për njerëzit në Shqipëri. Dje, Parlamenti Evropian nxiti autoritetet shqiptare “të krijojnë sa më shpejt të jetë e mundur Parkun Kombëtar Vjosa, duke shtrirë tërë gjatësinë e lumit.”
Deri tani kanë reaguar për postimin e aktorit kreu i PD, Lulzim Basha, i cili e ka rishpërndarë videon në rrjetet e tij sociale po ashtu edhe presidenti Ilir Meta i cili shkruan një status krah videos së rishpërndarë:
“E duam Vjosën dhe përgjithmonë do ta mbrojmë! Falëminderit dhe mirënjohje Leonardo DiCaprio për solidarizimin frymëzues.
Jemi të vendosur, që deri më 25 prill, të mos lejojmë me mjete demokratike çdo vendimmarrje arbitrare për ndërtimin e hidrocentraleve mbi lumin Vjosa.
#VjosaNationalParkTani”, shkruan Meta.
We❤Vjosa and forever we will protect it! Thanks & gratitude @LeoDiCaprio for your inspiring solidarity! We are determined, until April 25, not to allow by democratic means any arbitrary decision for the construction of hydropower plants on the Vjosa River. #VjosaNationalParkNow https://t.co/pj4lLgoNHy
— Ilir Meta (@ilirmetazyrtar) March 30, 2021
