Policia e Tiranës ka arrestuar një tjetër person të përfshirë në dhunimin e një punonjëseje të OSHEE-së, ngjarje e ndodhur të premten e kaluar në rrugën “Artan Lenja”.
I arrestuari është shtetasi L. M., 28 vjeç, banues në Tiranë, i cili dyshohet se ka ndihmuar një nga autorët e ngjarjes, shtetasin J. S., 30 vjeç, për të larguar autorin kryesor, shtetasin S. C., 38 vjeç, i cili është ende në kërkim. Policia ka intensifikuar përpjekjet për kapjen e tij.
Materialet për L. M. janë dërguar në Prokurorinë e Tiranës për hetime të mëtejshme.
