Ditën e djeshme “JOQ Albania” postoi një video, ku shiheshin 4 efektivë policie që dhunonin një të mitur pranë Liqenit Artificial në Tiranë.
Sipas dëshmitarëve në vendngjarje, u raportua se adoleshenti po lëvizte me biçikletë dhe kishte dalë pa autorizim, çka ka bërë që policia të ushtrojë dhunë ndaj tij.
Kjo video ka bërë xhiron e rrjetit dhe ka sjellë reagime të shumta, mes të cilave edhe kryedemomrati Lulzim Basha dhe ish-kryeministri Sali Berisha.
Berisha, ka publikuar disa foto të 15-vjeçarit, në të cilat shfaqen shenjat e dhunës në fytyrë dhe trupin e tij, teksa shprehet se policia ka dhunuar barbarisht të riun dhe i bën thirrje Avokatit të Popullit dhe organizatave ndërkombëtare që të marrin masa për këtë ngjarje të rëndë.
https://www.facebook.com/121577844669798/posts/1595912973902937/
Kurse, kryedemokrati Lulzim Basha thekson se kjo është e vetmja ofertë që Rama ka për njerëzit në këtë kohë pandemie.
Në një postim në Twitter, Basha e ka quajtur ngjarjen e djeshme, akt të një frikacaku të dështuar.
Dënoj me forcë dhunën barbare ndaj një të mituri. Dhuna është fytyra e shtetit të Ramës, është oferta e tij e vetme për njerëzit.
Ky është akti i një frikacaku të dështuar.— Lulzim Basha (@lulzimbasha_al) May 16, 2020
Sot në çdo hyrje të kësaj zonë janë vendosur policë dhe shiritë, të cilët nuk lejojnë njerëzit t’i afrohen këtij parku.
Kujtojmë se më herët për shkak të mbipopullimit në zonën e Liqenit u mor vendimi për shkarkimin e shefit të komisariatit.
