Pamjet që shihni në foto kryesore tregojnë vendin ku ndodhi vrasja e të riut, Aurelio Dervishi, mbrëmjen e djeshme në Shkozë. Gazeta Reforma raportoi pak më parë, se ngjarja e rëndë dyshohet se ka ndodhur pas një konflikti mes viktimës dhe autorëve të cilët referuar informacioneve paraprake, dyshohet se janë 5.
Çfarë dimë deri më tani për ngjarjen?
Ngjarja e rëndë ka ndodhur mbrëmjen e djeshme rreth orës 21:50, te rrethi i Shkozës. Gjithçka nisi pas një sherri për makinat dhe pretendimeve të agresorëve se viktima po i shihte. Autorët e vrasjes i kanë bërë shenjë makinës ku lëvizte viktima, Aurelio Dervishi, si pasagjer që të ndalonte, por shoferi nuk është bindur. Më pas ata kanë zbritur nga mjetet dhe janë përplasur fizikisht, duke qëlluar dy herë me thikë në gjoks 18-vjeçarin.
Të rinjtë dyshohet se janë larguar në drejtim të Unazës Lindore me një mjet tip ‘Tiguan’, ndërkohë që ende nuk janë vënë në prangat e policisë, pavarësisht ngritjes së postoblloqeve.
