Disa detaje të reja kanë dalë rreth grabitjes së Rinasit, ku është bërë e ditur se ditën e nesërme katër të arrestuarit do të dalin para Gjykatës së Krimeve të Rënda.
Kjo pas arrestimit të bërë mbrëmjen e së dielën në Elbasan dhe ajo që dyshohet është se njëri prej personave ka qenë pjesëmarrës në grabitje në pasditen e 9 prillit ndërsa tre të tjerët të kenë qenë bashkëpunëtorë në disa role kyç, të domosdoshëm për realizimin e suksesshëm të grabitjes.
Ajo që dyshohet se është në total, përsonat e përfshirë janë 12, dhe nga ajo që raportohet nga Shqiptarja.com , tashmë janë lëshuar urdhërat përkatës dhe priten arrestime të tjera, ku njëri prej tyre tashmë ka rënë në prangat e policisë.
Bëhet fjalë për vëllain e Klement Çelës, Eldi Çelën, të cilin dyshimet e policisë e nxjerrin bashkëpunëtor të të vëllait.
Kjo sepse policia dyshon se Klement Çela ka shfrytëzuar familjarët e tij për të pastruar paratë duke ngritur biznese të tilla si fasoneri në zonën e Bradasheshit, por edhe servisin ku u modifikua furgoni i grabitjes të cilit i është vendosur mbishkrimi “Hetimi Tatimor”.
Nga ajo që mësohet ambienti ishte marrë me qira pa kotratë noteriale nga Eldi Çala. Pronari i servisit është Gentjan Sharra i cili në dëshminë e tij në polici, ka deklaruar se prej 6 muajsh ja ka dhënë me qira Eldi Çalës, por pa një kontratë noteriale. Policia është duke hetuar për të zbuluar ligjshmërinë e aktivitetit të biznesit të Eldi Çalës dhe nëse burimi i parave është i justifikuar.
