Ditën e sotme u bë me dije se Bashkia e Tiranës është tërhequr nga plani i saj për ndërtimin e Teatrit të ri nga privati., duke sqaruar në një deklaratë për mediat se Komisioni i negocimit nuk arriti të gjejë gjuhën e përbashkët me privatin.
Sipas Bashkisë, plani i propozuar nga privati nuk mundësonte ndërtimin e Teatrit në një kohë të shpejtë dhe me një infrastrukturë moderne dhe kështu u vendos që Teatri të ndërtohet me fonde publike, si investim i shtetit.
Ndërtimi i godinës pritet të nisë brenda këtij viti, i cili përkon edhe me 100 vjetorin e shpalljes kryeqytet të Tiranës.
Së fundmi, lidhur me këtë lajm ka reaguar edhe kryedemokrati Lulzim Basha, i cili me anë të një postim në “Twitter”, shkruan se Rama dhe Veliaj nuk mund t’i hedhin hi syve shqiptarëve dhe të mbulojnë korrupsionin.
“Rama dhe Veliaj nuk mund ti hedhin hi syve shqiptareve dhe te mbulojne korrupsionin dhe prishjen e Teatrit me njoftime gjysmake qe fshehin te verteten. Pa nje vendim te qarte qe kullat nuk do te ndertohen dhe Teatri do te ruhet PD nuk terhiqet nga qendrimi dhe vendosmeria e saj”, shkruan Basha.
