Ditën e sotme kryebashkiaku i Kolonjës, Erion Isai, është thirrur në SPAK, ku ka dëshmuar për rreth 3 orë. Në një prononcim për mediat, Isai ka zbuluar se është paraqitur pranë këtij institucioni si person që ka dijeni rreth një çështjeje. Ndër të tjera ai tha se hera e tij e parë në SPAK ishte e këndshme. “U thirra për një ngjarje të vjetër nuk ka lidhje me tenderat. Hera e parë që isha këtu ishte këndshëm. U thirra si person që ka dijeni për një çështje”, tha ai.
Pra Erion Isai në fjalën e tij për mediat është shprehur se në SPAK është thirrur thjesht si një person që ka dijeni dhe jo dëshmitar.
“Nuk ka lidhje me krimet zgjedhore, kam qenë I thirrur si person që ka dijeni. Ka lidhje me një ngjarje konkrete të para shumë kohëve, ku Bashkia nuk ka qenë e përfshirë me tender publik të drejtpërdrejtë por si institucion në dijeni. Së kë po heton i takon prokurorisë, unë jam pyetur si person që ka dijeni, hetuesit janë në humor pse të mos jenë në humor”, ka deklaruar Isai.
Theksojmë se Isai fitoi mandatin e dytë në krye të Bashkisë Kolonjë më 14 maj, duke marrë 64,27% të votave, gati dyfishin e kundërshtarit na koalicioni Bashkë Fitojmë, Et’hem Lumani.
