Derbi kryeqytetas vishet me të kuqe! Partizani ia arriti të mposhte bardheblutë e Tiranës në minutën e 83’ me njê gol nga Eraldo Çinari. As vetë Çinari, nuk mund ta kishte imagjinuar as një ëndërr një rikthim të tillë në fushë dhe një paraqitje kaq të mirê, pasi i dha fitoren ekipit të tij pêrfaqësues. Tanimë Partizani i bashkohet Teutës në ndjekje të Vllaznisë, pasi ka mposhtur në derbi Tiranën kampione në fuqi. Ndërkohë Tirana del nga gara për titullin, pasi tani numëron 20 pikë më pak se Vllaznia kryesuese.
Ndërkohë kujtojmë se të dyja skuadrat e mbyllën sfidën me 10 lojtarë, ku Bardhi fillimisht dhe Batha, u ndëshkuan me 2 kartonë të verdhë. Ndërsa pjesa e parê ishte më e vakët për të dyja ekipet edhe pas tentativave të shumta nuk arritën të gjejnë golin e fitores.
Tifozët nuk u lejuan të jenë pjesë e stadiumeve për shkak të pandemisë ata kanë zgjedhur të qendrojnë në ambientet e jashtme. Por në ambientet e jashtme ka degjeneruar dhuna mes dy kampeve të tifozëve. Si pasojë e përplasjes mes tifozërive kanë mbetur të lënduar të paktën 3 persona, si dhe janë shoqëruar në komisariat disa persona për dëmtim te pronës private.
Ndërkohë janë thyer xhamat e dy lokaleve në në ne afërsi të qendrës së qytetit dhe një në afërsi të stadiumit.
