Në sallën e Parlamentit deputeti Adriatik Alimadhi ngriti një shqetësim personal dhe që ka të bëjë me gjobat që i vendos policia për shkak të parkimit të gabuar. Nga foltorja, Alimadhi tha se në Parlament parkimi nuk i është rregulluar siç duhet dhe deputetët po marrin shumë gjoba nga policia.
Alimadhi kërkoi ndërhyrjen e Gramoz Ruçit për këtë situatë, por ky i fundit reagoi ashpër duke i ndërprerë fjalën.
“Nuk është salla e Kuvendit për gjobat e tua, e more fjalën për procedurë”, iu përgjigj Ruçi, duke i kërkuar Alimadhit që të largohej nga foltorja.
