Ministri i Brendshëm, Sandër Lleshaj ka dhënë llogari ditën e sotme në Kuvend për deportimin e shtetasit turk Harun Çelik.
Lleshaj u thërrit në interpelancë nga deputeti i Ballit Kombëtar, Artur Roshi.
Ky i fundit i këkoi llogari ministrit në lidhje me procedurën e ndjekur për deportimin e Çelik.
“Cila është procedura ligjore që ndoqet për deportimin. Çfarë procedure është ndjekur për Harun Celik, deportimi apo dëbimi? A ishit në dijeni se në Turqi i kërcënohej jeta? A mendoni se kjo do të ndikojë keq në hapjen e negociatave? A mendoni se mënyra e sjelljes së shtetasve të huaj ndikon në sigurinë e bizneseve dhe investimeve në vendin tonë?”, u shpreh Roshi.
Nga ana tjetër Lleshaj u përgjigj se këto vendime të rëndomta nuk i merr Minsitria e Brendshme, por drejtoritë vendore të Kufirit dhe Emigracionit.
Ministri shtoi, se ashtu si Çelik janë deportuar edhe 45 qytetarë të tjerë.
Sa i përket rastit të shtetasit turk. Dënimi i qytetarëve nga Shqipëria që nuk disponojnë dokumente është një çështje e rëndomtë. Vendimet e dëbimit janë vendime adiministrative, nuk i bën ministria, janë drejtoritë vendore të Kufirit dhe Emigracionit. Çdo vit nga Shqipëria do të dëbohen me mijëra qytetarë që nuk kanë dokumentacion të rregullt. Ka dëbim vullnetar dhe dëbim me detyrim. Si ky i fundit vitin e fundit janë dëbuar 45 qytetarë. Do të ishte e rëndësishme që të ishin ezauruar hapa të tjerë ligjorë, duhet të kishit kërkuar një hetim administrativ para se çështjen ta trajtonit politikisht. Mund të kishit iniciuar një hetim penal për rastin para se të japim një staturë politike. Rasti është i tillë, qytetari turk Harun Çelik është ndaluar se është kapur me vizë kanadeze false. Nuk ka qenë asnjëherë rezident në Shqipëri”, u shpreh Lleshaj.
