Dekalarata e presidentit francez Emanule Macron lidhur me pezullimin e vizave të Kosovës ka ngjallur shumë debat. Ndërkohë që Ambasada e Francës në Kosovë ka sqaruar deklaratën në Tiranë në Presidentit francez, Emanule Macron në lidhje me liberalizimine vizave për Kosovën. Ambasada ka thënë në një përgjigje për mediat se theksi i deklaratës së Macron ka qenë më shumë kërkimi i përgjegjësisë nga Vuçiç për aktet e 24 shtatorit.
“Gjatë konferencës për medie me Kryeministrin shqiptar, Edi Rama, Presidenti i Republikës së Francës, Emmanuel Macron, theksoi nevojën që të dyja palët të dëshmojnë një frymë përgjegjësie. Ai nënvizoi qartë pritshmëritë e tij nga presidenti serb Vuçiç: të dënojë me vendosmërinë më të madhe aktet e 24 shtatorit dhe të ndihmojë në rivendosjen e qetësisë në kufi”.-thuhet në reagim.
Në reagim theksohet se Macroni nuk përmendi anulimin e vizave.
“Ai bëri thirrje për një frymë përgjegjësie të presidentit serb Vuçiç, dhe të njëjtat pritshmëri i kishte edhe nga presidentja dhe kryeministri i Kosovës. Pikërisht në këtë kontekst, ai përmendi edhe çështjen e liberalizimit të vizave, e cila ishte një gjest mirëbesimi, por që në këtë periudhë nuk ishte reciproke. Prandaj, ai pret që autoritetet kosovare, sikurse edhe autoritetet serbe, të respektojnë fjalën e dhënë dhe të riangazhohen për të ecur përpara në javët e ardhshme”, thuhet tutje në përgjigjen e Ambasadës franceze për mediat.
