Mbrëmjen e sotme Grida Duma, nënkryetarja e Partisë Demokratike, pas deklaratës së ish-kryeministrit Sali Berisha për rikthimin e tij si kryeministër i shqipërisë, ka thënë se ato fjalë po shpresontë të mos i dëgjonte.
E ftuar në “Open”, Duma tha se kjo është diçka e paarsyeshme, por që sipas saj, Berisha i thotë këto deklarata për t’i mbajtur ‘të ndezur’ demokratët.
“Berisha e di fare mirë që në kushtet kur SHBA nuk e konsiderojnë të mundshme që në kryesishmin e cilësdo parti, të ekzistojë një individ i konsderuar non grata, këtë gjë, Berisha e bën si një individ politik i vjetër për të mbajtur “me gajret” ndjekësit aktual. Është e paarsyeshme dhe do të kisha shpresuar të mos e kisha dëgjuar këtë sepse në një mënyrë ose në një tjetër, Berishën gjatë kësaj kohe nuk e kam ndjekur ekzaktësisht në cdo fjali por ka lënë përshtypjen dhe ka thënë që po e bën këtë betejë për demokratizimin të vlerave të PD. Sigurisht nuk është kështu se e ka nisur nga shkaqe personale dhe produkti nuk mund të jetë publik,”- tha Duma.
Kujtojmë se deklarata e ish-kryeministrit jo vetëm që entuziazmoi demokratët pëe të shpresuar më shumë, por nga ana tjetër pati dhe reagime kundra nga shumë deputetë përkrahës së Bashës.
