Ceremonia përkujtimore e luftës së Grehotit në Gjirokastër ka degjeneruar në sharje, të bërtitura, akuza dhe shtyrje.
Në konflikt janë përfshirë përfaqësuesit e dy partive të Ballit Kombëtar, shkruan “Balkanweb”
Fillimisht ishin përfaqësuesit e Partisë Balli Kombëtar, që akuzuan për tradhëti kreun e Partisë së Ballit Kombëtar Demokrat, Artur Roshin.
Në ceremoni ishin të pranishëm edhe ish-deputetët demokrat, Enkelejd Alibeaj dhe Luan Baçi.
Ndërkohë kreu i PD-së së Gjirokastrës, Dasho Aliko u mundua të qetësojë situatën por nuk pati sukses.
Çdo 14 shtator kryhen homazhe për 37 luftëtarë nacionalistë të Ballit Kombëtar, që ranë 76 vjet më parë, gjatë luftës me pushtuesit fashistë.
Për ballistët kjo datë është “Dita e Dëshmorëve Nacionalistë”.
Kujtojmë këtu se gjatë regjimit komunist, shumë familje nacionaliste u persekutuan dhe u burgosën.
