Ambasada Amerikane e ka quajtur Stërvitjen “Defender 21” një ndërmarrje historike për të cilën çdo shqiptar dhe amerikan duhet të ndihet jashtëzakonisht shumë krenar. Në një postim në rrjetet sociale, ambasadorja Yuri Kim njofton se gjatë javëve në vazhdim do të vijnë në vendin tonë mijëra amerikanë, shqiptarë dhe ushtarë të tjerë aleatë që do të marrin pjesë në stërvitjen ushtarake më të madhe që është zhvilluar ndonjëherë në Europën Juglindore. Stërvitja që po mbahet në portin e Durrësit në kuadër të 30-vjetorit të Rivendosjes së Marrëdhënieve SHBA-Shqipëri dhe është një demonstrim i dukshëm i angazhimit të SHBA dhe Aleancës në NATO që së bashku jemi vërtetë më të fortë.
Postimi i plotë nga Ambasada Amerikane
Stërvitja Defender 21 është një ndërmarrje historike për të cilën çdo shqiptar dhe amerikan duhet të ndihet jashtëzakonisht shumë krenar. Gjatë javëve në vijim mijëra amerikanë, shqiptarë dhe ushtarë të tjerë aleatë do të marrin pjesë në stërvitjen më të madhe ushtarake të zhvilluar ndonjëherë në Europën Juglindore.
Stërvitja e cila ndodh në përvjetorin e 30-të të Rivendosjes së Marrëdhënieve SHBA-Shqipëri është demonstrim i dukshëm i angazhimit të SHBA, Shqipërisë dhe Aleancës sonë në NATO dhe provë e qartë që ne jemi vërtetë më të fortë së bashku
