Epidemiologu Erion Dasho ka bërë mbrëmjen e sotme një deklaratë të fortë ndaj kolegut të tij mjekut Pëllumb Pipero.
I ftuat në “Byro Politike” Dasho ka folur për rekordin e pandemisë në Shqipëri, duke u shprehur se izolimi gjatë muajit maj dhe prill ishte i panevojshëm.
Ndërkohë ai theksoi se është me rëndësi që të mos fajësohen qytetarët, por që Komiteti Teknik i Ekspertëve të mbajë përgjegjësi, ndërsa tha se Pipero duhet të shikojë mënyrën e mjekimit, sepse sipas tij sa i përket epidemiologjisë shumë herë ka gabuar.
“ Pipero të shikojë mënyrën e mjekimit sepse porsa i përket epidemiologjisë shumë herë ka gabuar. Tani situata është seriozë, por mund të zgjidhet lehtë. Le të thonë ç’të duan, virulenca tani është në rënie. Të gjitha të dhënat flasin për një virus që është drejt një virulence të ulët. Tani kjo është një epidemi që mund të kontrollohet, por jo me aventura. Duhet depistim në hyrje të spitalit. Pacientët dhe mjekët duhet të pajisen me masa mbrojtëse. Këto masa i ka nxjerrë bota, nuk i shpikim ne. Të moshuarit dhe personat me sëmundje kronike duhet të mbajnë maska dhe duhet të jenë të kujdesshëm, se janë pjesa më e rrezikuar. Tendenca e komitetit për të fajësuar qytetarët është gabim. Komiteti është përgjegjës për situatën që ne kemi , jo qytetarët”, tha epidemiologu.
