Janë publikuar fotot nga mbledhja e Këshillit Politik që po zhvillohet në ambientet e Pallatit të Kongreseve. Për herë të parë në mbledhje merr pjesë edhe kryeministri Edi Rama, ndërsa kryeopozitari Lulzim Basha teksa ndodhet në një vizitë zyrtare në Kosovë.
Rama është ulur në tryezë në krah të deputetit socialist, Damian Gjiknuri dhe deputetes së opozitës parlamentare Rudina Hajdari.
Pjesë e mbledhjes është edhe deputeti tjetër i opozitës në Kuvend, Myslim Murrizi, ndërsa Partia Demokratike dhe Lëvizja Socialiste për Integrim përfaqësohet nga Gazment Bardhi, Oerd Bylykbashi dhe Petrit Vasili.
Edhe pse opozita e bashkuar thekson se në mbledhjen e sotme do të fokusohet në pikat e marrëveshjes së 5 qershorit, që nuk kanë marrë ende përgjigje, kryetemë e takimit pritet te jetë kërkesa e opozitës parlamentare dhe Partisë Socialiste për ndryshimet kushtetuese, ku përfshihen listat e hapura dhe heqja e koalicioneve parazgjedhore.
