Artistët gjithmonë e më shumë janë duke u përfshirë në jetën politike dhe tashmë njeri prej tyre, i cili vjen nga skena ka marrë një vendim të rëndësishëm. Ditën e sotme është bërë publike lista zyrtare e kandidatëve për 61 bashkitë e vendit, ku një nga emrat që spitak është padyshim ai i ish-aktorit të “Portokalli” dhe tashmë të Tv Klan, Erion Isai.
Edhe pse Isai tashmë prej një viti mban postin e Drejtorit të Qendrës Kombëtare të Kulturës për Fëmijë dhe Teatrit të Kukullave, mesa duket do të heqë dorë nga ajo çfarë ka për t’ju përkushtuar Kolonjës.
Edhe pse ishte një lajm që përflitej, asgjë nuk ishte e sigurt, megjithatë sot ndodhemi para faktit se diçka e tillë ka ndodhur.
Vetëm disa ditë më para aktori ka bërë një deklaratë me rëndësi ku thotë se është i gatshëm të kontribuojë për qytetin e tij të lindjes.
“Unë kam 30 vite jetë, nga të cilat 15 i kam kaluar në Kolonjë dhe 15 në kryeqytet. Marrëdhënien time me Kolonjën e kam parë gjithmonë si angazhim që do të thotë se atë çfarë kam pasur mundësi të bëj dhe ta jap e kam dhënë, do ta jap sa herë të më jepet mundësia dhe të kem mundësi”, tha Erion Isai para pak ditësh në një intervistë televizive.
