Ministria e Shëndetësisë ka njoftuar se së fundmi kanë ndërruar jetën dy pacientë të shtruar në spitalin Infetiv në Tiranë.
Një pacient 67 vjeçar nga Tirana ka ndërruar jetë në spitalin Infektiv, sipas njoftimit zyrtar të Ministrisë thuhet se 67 vjeçari vuante edhe nga sëmundje të tjera bashkëshoqëruese.
Pas një rëndimi të papritur, 67 vjeçari nuk arriti të mbijetojë nga disfunksioni kardio-respirator, pavarësisht terapisë intensive medikamentoze dhe ventilimit mekanik.
Ndërkohë, para tij në spitalin Infektiv ka ndërruar jetën një 73 vjeçare nga Shkodra, e cila vuante nga hipertensioni, e shtruar prej ditësh në terapi intensive të rëndë. Pavarësisht asistencës mjekësore dhe mjekimit, 73 vjeçarja nuk mundi të mbijetojë.
NJOFTIMI I PLOTË:
Gjatë orëve të fundit një pacient 67-vjeçar nga Tirana ka ndërruar jetë në spitalin infektiv, i prekur nga COVID19, me disa sëmundje bashkëshoqëruese, pavarësisht perpjekjeve të stafit mjekësor.
Pas nje rëndimi të papritur, 67-vjeçari nuk arriti të mbijetojë nga disfunksioni kardio-respirator, pavarësisht terapisë intensive medikamentoze dhe ventilimit mekanik. 67-vjeçari vuante nga diabeti, fibrilacion atrial, hipertension dhe alzheimer.
Më herët, po në spitalin infektiv ndërroi jetë nga COVID19 një paciente 73-vjeçare nga Shkodra, e cila vuante nga hipertensioni, e shtruar prej disa ditësh në terapi intensive në gjendje të rëndë. Pavarësisht mjekimit dhe asistencës mjekësore, 73-vjecarja nuk mundi të mbijetojë.
Ministria e Shëndetësisë i shpreh ngushëllime familjeve të të ndjerëve që humbën njerëzit e dashur në këtë betejë të vështirë. Nga fillimi i epidemisë, 41 qytetarë nuk e kanë fituar dot betejën me COVID19.
Sot janë konfirmuar pozitivë me koronavirus 66 raste të reja, duke e çuar totalin në 1 788 persona të prekur nga pandemia në vendin tonë.
