Kryeministri Edi Rama zhvilloi sot një takim online me Komitetin Teknik të Ekspertëve.
Një nga temat e diskutuara ishte edhe hipoteza se COVID-19 ka hyrë në Shqipëri që në janar.
Në lidhje me këtë temë, mjekët Andi Koraqi, Tritan Kalo dhe Naja Çomo, dhanë opinionet e tyre.
Mjeku Andi Koraqi u shpreh se COVID-19 ka ardhur nga Italia, ndërsa medon se nuk ka pasur rasti në janar apo më përpara.
“Në opinionin tim dhe nga rezultate që kam parë, nuk mendoj se kemi pasur raste që nga janari apo nga përpara. Them se COVID, sëmundja ka ardhur nga fqinji jonë, Italia. Dhe më pas erdhi tek neve. Edhe nga rezultatet që shoh, nuk është se është pjesë e lartë e popullsisë që ka kaluar”, tha Koraqi.
Mjeku Tritan Kalo nga ana tjetër tha se për të arritur në një përfundim për fillimin e një epidemie, duhet të përmbushen disa faktorë, ku i parë është epidemiologjik dhe i dyti serologjik.
“I kam shprehur mendimet e mia. Pasi të arrish në një përfundim për fillimin e një epidemie duhet të plotësohen disa faktorë. Së pari është fakto epidemiologjik, se kur ke izoluar rastin e parë, Së dy; faktori seriologjik. Nëse një përqindje e caktuar e popullatës, e kalon pragun 15-20 %, duhet kombinuar me klinikën e të sëmurëve që janë paraqitur në shërbim, apo dhe shtimi i vdekjeve me infeksione respiratorë, që për mua nuk më rezulton i lartë në këto kohë. Një element tjetër është dhe ai radiologjik apo imazherik. Ato merren si sinjifikative për COVID-19.”, pohoi ai.
Doktoreshë Najada Çomo theksoi se në shërbimin Infektiv kurrësesi nuk mund të ketë pasur persona të infektuar nga COVID-19 më parë.
“Në muajin janar kemi një fluks të shtuar të pacientëve për shkak të gripit. Ka një problem, që në fund të muajit janar ne kemi kërkuar për rastin e parë, pasi kishim lidhje me Kinën. Vëmendja jonë që në fund të muajit dhjetor, ka qenë në gatishmëri, pasi kërkonim raste. Ne nuk kishim raste të shtuara për të identifikuar. Nuk mund të kishim raste të shumta kur masat ishin të pakta, dhe tani që masat i kemi të shumta, te kemi raste të pakta. A ka pasur pneumoni intensticiale? Padyshim po. Ajo ka shumë faktor. I përgjigjem zyrtarisht kësaj pyetje se në Shërbimin Infektiv nuk mund të ketë pasur kurrsesi persona të infektuar nga COVID-19 me parë”, tha Çomo.
Hipotezat për praninë e COVID-19 në vendin tonë u ngritën pasi mjeku Gëzim Xhepa dhe imazheristi Renato Osmenaj, publikuan grafitë e mushkrive të disa pacientëve.
