Largohet nga Klubi Tirana futbollisti Winful Cobbinah. Sipas njoftimit zyrtar, lojtari ka firmosur me ekipin egjiptian Ceramica Cleopatra.
Klubi thotë se pavarësisht dëshirës së madhe për ta patur lojtarin, i janë bashkuar dëshirës së tij.
Lojtari nga Gana ka kaluar sot vizitat mjekësore dhe është prezantuar tek ekipi i ri.
Largimi i futbollistit të Tiranës vjen pas një aventure me dokumentet e qëndrimit në Shqipëri. Presidenti Meta i dha nënshtetësinë, ndërkohë që gjykata e Tiranës e dënoi për falsifikim të dokumenteve të qëndrimit.
Pas dënimit nga gjykata futbollisti ka vendosur për tu larguar nga Shqipëria
“Klubi i Futbollit Tirana njofton shitjen e kartonit të lojtarit Winnful Essua Cobbina. Klubi njofton zyrtarizimin e marrëveshjes me Cleopatra Football Club. Pavarësisht dëshirës së madhe të klubit për ta patur lojtarin pjesë të kampit bardheblu, klubi i bashkohet dëshirës primare për mirëqenien e lojtarit. KF Tirana i uron suksese në këtë rrugëtim të ri”, shkruan në njoftimin zyrrtar Klubi Tirana.
/GazetaReforma.com/
