Më herë mbrëmjen e sotme forcat RENEA dhe Forcat e Ndërhyrjes së Shpejtë “blinduan” Vlorën.
Efektivët kanë ushtruar kontrolle të mjeteve në të gjithë qytetin.
Janë ngritur pika të shumta kontrolli dhe po shihet pothuaj çdo makinë.
Kryesisht kontrollet janë përqëndruar në hyrjet e akseve rrugore kryesore, si rruga Transballkanike, Bulevardi i ri i Vlorës apo Lungomare.
Së fundmi, bëhet me dije se aksione janë ndërmarrë edhe në Sarandë.
Efektivë të Forcave të Ndërhyrjes së Shpejtë dhe agjentë të antidrogës po ushtrojnë prej dy ditësh kontrolle në qytetin e Sarandës.
Forcat e FNSH kanë “blinduar” gjithë Sarandën dhe po kryejnë kontrolle në akset kyçe.
Qëllimi i këtyre kontrolleve mësohet të jetë kapja e personave të shpallur në kërkim për vepra të ndryshme penale, si dhe personave përdorues e trafikantë droge.
