Duket se mocionet e mosbesimit janë kthyer në modë kohët e fundit. Pas Bullgarisë qeveria e brishtë e së cilës ra, duket se rradhën e ka Britania e Madhe për tu përballur me një situatë të njejtë. Ish-kreu i konservatorëve në Britani kërkon dorëheqjen e kryeministrit Boris Johnson, pozita e të cilit vijon të vihet gjithmonë e më shumë në vështirësi, pasi së fundmi ka pasur kërkesa për dorëheqje nga anëtarët e partisë së tij. Kujtojmë se në lidhje me Johnson ka pasur edhe një proces i cili kishte të bënte me shkeljet e rregullave për shkak të festave që organizonte gjatë periudhës së pandemisë,
The Times ka raportuar se pavarësisht se Johnson i ka mbijetuar një votëbesimi javën e kaluar, Michael Howard, ish-udhëheqësi i Partisë Konservatore britanike, ka deklaruar se kryeministri duhet të konsiderojë dhënien e dorëheqjes.
Howard, i cili udhëhoqi partinë nga viti 2003 deri në vitin 2005, është shprehur se partia është më e rëndësishme si individët dhe se vendi do të ishte më mirë nën një udhëheqje të re.
“Anëtarët e kabinetit duhet t’i konsiderojnë me shumë kujdes qëndrimet e tyre”, ka shtuar ai.
Komentet e tij vijnë pasi kryetari i Partisë Konservatore, Oliver Dowden dha dorëheqjen këtë mëngjes pas disfatës së madhe që konservatorët pësuan në zgjedhjet e pjesshme në Ëakefield dhe Tiverton & Honiton.
Doëden, i cili shihej si një aleat i kryeministrit, tha në letrën e tij të dorëheqjes se mbështetësit konservatorë ishin “të shqetësuar dhe të zhgënjyer nga ngjarjet e fundit”.
Duke folur në Ruandë pas humbjeve të zgjedhjeve të brendshme, Johnson tha se do të “dëgjonte” mesazhin e votuesve, por u zotua të “vazhdojë” si kryeministër.
