Prej pesë vitesh në pozicionin e drejtorit të Hekurudhës Shqiptare, Ani Dyrmishi jep dorëheqjen. Nuk dihet ende cilat janë arsyet që nxitën Dyrmishin të tërhiqet nga posti.
Theksojmë se drejtori e ka dorëzuar në ministri letrën e dorëheqjes.
Dyrmishi zëvendësoi në këtë post ish-drejtorin e Hekurudhave, Ilir Dashi. Ai u emërua në këtë post në muain dhjetor të vitit 2017.
Vlen të përmendet se Ani Dyrmishi është aktualisht, që nga viti 2019, kreu i Këshillit Bashkiak Durrës. Dyrmishi po ashtu është anëtar i Këshillit Bashkiak të qytetit të Durrësit, ndërkohë që gjatë ushtrimit të detyrës së drejtorit të hekurudhave, i është vendosur dhe një sasi tritoli në makinën e tij. Në një rast të dytë, makina e tij është qëlluar me breshëri armësh.
Dyrmishi ishte futur në listën e zezë të drejtuesve të institucioneve nga kryeministri Edi Rama, e megjithatë ai qëndroi në krye të Hekurudhës për më shumë se 4 vite.
Ani Dyrmishi ka mbajtur poste të rëndësishme edhe më heret si drejtor i Hipotekës së Durrësit, ai është lakuar dhe në dosjen e Avdylajve dhe Dakos.
Dyrmishi u largua nga Hipoteka e Durrësit pak pas zgjedhjeve të 2017, kur Kr. Edi Rama u kërkoi të gjithë drejtorëve të jepnim dorëheqjen. Ai gjithashtu është pjesë e listes së zeze të kryeministrit.
Gjithashtu Dyrmishi ka pasur konflikte dhe është pjesë e grupit të cilët nuk janë simpatizant të Sakos, duke pasur dhe debate të forta, ku herën e fundit i ndërpreu fjalën kryetares së re duke përfunduar mbledhjen dhe duke mos e lënë të shprehet.
