Teksa tashmë google është kthyer në “shpëtimtarin” tonë pasi aty gjejmë informacion pothuajse mbi gjithçka që interesohemi, normalisht disa persona ose çështje mbajnë vendin e parë. Eksperti i IT, Tomi Kallanxhi teksa ka qenë i ftuar në “Shqipëria Live” ka shpjeguar se çfarë kërkojnë shqiptarët në google trends. Ai ka treguar se nëse shqiptarët vazhdojnë të ndejkin banorët e Big Brother edhe disa muaj pas përfundimit të spektaklit.
“I pari vazhdon të jetë Luizi, më pas kemi Kiarën, edhe Ronaldo ka pas disa trends, qytetet ku është kërkuar janë pak. Luizi dhe Kiara janë në garë vetëm në Fier, në qytetet e tjera këngëtari është më i kërkuari”, tha eksperti i IT.
Vlen të theksojmë që nga një analizë e bërë nga “Monitor” në vitin 2020 në Shqipëri 68.6% e individëve të moshës 16-74 vjeç deklaruan se ishin përdorues të internetit (të paktën në tre muajt e fundit). Sipas Eurostat, në Bashkimin Europian përdorimi i internetit nga e njëjta grupmoshë përllogaritet të jetë 87%, rreth 18 pikë më shumë krahasuar me Shqipërinë.
Sipas të dhënave të publikuara nga INSTAT në anketën e përdorimit të teknologjisë së informacionit, aktivitetet kryesore që kryhen nga shqiptarët nëpërmjet internetit në “tre muajt e fundit” që janë pyetur kërkimi i informacionit për mallrat dhe shërbimet (për 50,2 % të përdoruesve të internetit), marrjen ose dërgimin e e-mail-eve (32,5 %) dhe për të parë filma në internet (live ose të ruajtura online 38,2 %).
