Nëse më herët është marrë vendimi për Brexit, tashmë ditën e sotme Parlamenti britanik ka miratuar edhe amendamentin që kundërshton daljen e vendit nga BE, pa marrëveshje.
Ky votim i sotëm amendamenti erdhi si pasojë e refuzimit për herë të dytë të planit të përgatitur nga kryeministrja May për largimin nga Bashkimi Evropian.
Megjithatë edhe miratimi i tij ditën e sotme nuk ka qenë i thjeshtë, pasi votat pro me kundër kanë pasur një diferencë fare të vogël.
Nga parlamenti 312 vota kanë qenë pro daljes me marrëveshje, ndër 308 kanë qenë kundër saj.
Britania ishte planifikuar të largohej nga BE-ja më 29 mars të këtij viti, mirëpo tani ekziston dilema nëse një gjë e tillë do të ndodhë në kohë, meqë nuk ka pajtueshmëri në parlament që lidhet me marrëdhëniet që Britania do ketë me BE-në, e cila duhet thënë se është shumë e rëndësishme për ta.
Çështja kryesore e diskutimit mbetet kufiri irlandez dhe kufiri i ashpër që mund të vendoset aty për mallra pas 29 marsit.
Vendimi për Brexit ka ardhur pasi 52 për qind e votuesve kanë votuar për dalje të Britanisë nga BE-ja në krahasim me 48 për qind që kanë kundërshtuar atë, në referendumin e mbajtur në vitin 2016.
