Pas gati dy orësh në SPAK, Berisha ka dalë nga dyert e këtij institucioni, ku është shprehur për mediat lidhur me marrjen në pyetje për kompleksin Partizani.
Ai u shpreh me ironi se gjeti Ramën dhe McGonigal të ulur, ndërkohë nuk la pa thumbuar edhe prokurorët të cilët i quajti një grup të terrorizuar.
“I gjeta të terrorizuar, gjeta hijen e McGonigal dhe skandaleve të tjerë. Siguroj opozitën se po ecim të sigurtë drejt një fitore të pashmangashme dhe Rama do përfundojë në galerat e historisë bashkë me SKAP dhe Gjykatën Speciale. Berisha do paraqitet për pyetje sa herë të thirret. Nuk mund të ketë asnjë ekuivok në thirrjen time. Nuk kishin asnjë provë vetëm mashtrim dhe riciklim të tyre. Mjeranë që përsërisnin trillimet e tyre”, u shpreh ai para gazetarëve.
