Ditën e sotme do të dëshmojë për herë të parë Shkëlzen Berisha në SPAK lidhur me tragjedinë e Gërdecit, të ndodhur në vitin 2008, ku ngelën të vrarë 26 persona dhe shumë të tjerë u plagosën nga shpërthimet e municioneve në punishten e demontimit të armëve.
Mësohet se djali i ish-kryeministrit do të dëshmojë në GJKKO, për procesin e tragjedisë së Gërdecit. Ai do të merret në pyetje bashkë me ish-ministri i Drejtësisë, Aldo Bumçi.
Thirrja e Shkëlzen Berishës në të njëjtën seancë me Aldo Bumçin, lidhet me faksin që ky i fundit i ka dërguar Ministrit të Mbrojtjes së kohës Fatmir Mediu me shënimin “për Shkëlzen Berishën”, në pjesën e sipërme të dokumentit në krahun e majtë.
Përveç këtij dokumenti, djali i ish-kryeministrit pritet të pyetet edhe për takime me ministrat e kohës në qeverinë Berisha dhe një telefonatë me Fatmir Mediun menjëherë pas shpërthimit në Gërdec, ku humbën jetën 26 persona e mbi 300 mbetën të plagosur.
Faksi i vitit 2007 ku është shënuar emri i Shkëlzen Berishës, ishte dhënie mendimi aprovues nga Ministria e Drejtësisë, për projekt-vendimin e qeverisë të përgatitur nga Ministria e Mbrojtjes, për demontimin e municioneve në Gërdec.
