Kardinalët katolikë kanë vendosur që konklava, procesi i fshehtë për zgjedhjen e Papës të ri, do të nisë më 7 maj, pas vdekjes së Papa Françeskut më 21 prill në moshën 88 vjeçare.
Ky vendim u mor pas një takimi të kardinalëve të hënën, që shënoi mbledhjen e parë pas varrimit të Papa Françeskut, ku diskutuan për datën e fillimit të konklavës.
Kapela Sistine, e njohur për rolin e saj në konklavat e mëparshme, u mbyll për turistët për të mundësuar përgatitjet për procesin e votimit.
Edhe pse konklavat e fundit të vitit 2005 dhe 2013 zgjatën vetëm dy ditë, ky proces mund të ketë ndryshime në varësi të situatës dhe vendimeve të kardinalëve.
Përzgjedhja e Papa-t të ri do të bëhet nga Kolegji i Kardinalëve, i cili ka 252 anëtarë, me 135 prej tyre që kanë të drejtë vote. Kardinalët mbi 80 vjeç nuk mund të votojnë, por mund të kontribuojnë në diskutimet mbi kandidatët për papë.
Ky proces ka një rëndësi të madhe për besimtarët katolikë, pasi do të përcaktojë udhëheqjen e ardhshme të Kishës Katolike.
