Nga Elton Qyno
Një segment hetimor, ndryshe nga rastet e tjera të praktikës është çelur nga SPAK, ku vija proceduriale në hetimin e zyrtarëve të lartë, ka çuar në mos caktimin fare të masave të sigurisë ndaj individit.
Ky standard i dyfishtë i SPAK, është vërejtur jo vetëm nga monitoruesit e përditshëm të institucionit të posaçëm por edhe nga vetë opinioni publik.
Rasti i hetimit të zv/kryeministres Belinda Ballukut, kryetarit të bashkisë Shkodër, Benet Beci apo qoftë dhe deputetit të PD, Fatmir Mediu, është një segment hetimor që SPAK ka hetuar dhe marë të pandehur zyrtarë të lartë pa pasur nevojë të caktojë masën sigurimi personal.
Ndërkohë që kemi mjaft standarde të tjera të zyrtarëve të lartë si ish-presidenti Ilir Meta, ish-kryeministri Sali Berisha, kryetari i bashkisë Tiranë, Erjon Veliaj, deputeti Jurgys Çyrbja, ish-zv/kryeministri Arben Ahmetaj dhe kryetarë të tjerë të bashkive, që janë hetuar dhe marë të pander pa masë sigurimi.
Madje SPAK një vit më parë, u kujdes të hetonte dy gazetarët veteranë të Kronikës së Zezë, Artan Hoxha dhe Elton Qyno, dhe të vendoste ndaj tyre masën e sigurisë “Detyrim paraqitje një herë në muaj pranë oficerëve të policisë gjyqësore”, për akuza të rënda si “Organizatë kriminale” dhe “Korrupsion pasiv në sektorin privat”.
Ndërsa për rastin e Belinda Ballukut, zv/kryeministren e vendit dhe njëherësh Ministren e Infrastrukturës dhe Energjitikës, me ndikim politik dhe ekonomik shumë të madh, deri në këtë fazë të hetimit nuk është çuar asnjë kërkesë në gjykatë për caktimin e një mase sigurimi ndaj saj.
Një qëndrim që disa shikohen me syrin e nënës dhe disa të tjerë me syrin e njerkës. Por në shumë raste masat e sigurisë në SPAK varen dhe nga nuancat e humorit të prokurorit që ka kryer hetimet.
Në rastin konkret të një hetimi që udhëhiqet nga prokurori Dritan Prençi, janë të gjitha kriteret juridike për caktimin e një mase qoftë dhe të lehtë për zv/kryeministren Belinda Balluku.
Tashmë kjo zyrtare akuzohet për “Shkelje të pabarazizë në tenderin” me vlerë 2 milion euro të mbikqyrjes së punimeve në tunelin e Llogarasë.
Zyrtarja e lartë vijon të jetë në detyrën e një institucioni që ka peshën më të madh të tenderave me vlerë të madhe ekonomike dhe vijimi i qëndrimit të saj në detyrë, mund të sjellë përsëritjen e veprës penale në procedura të tjera prokurimi.
Njëherësh kriteri tjetër që duhet të përdorej nga SPAK për caktimin e një mase sigurimi për Belinda Ballukun, është dhe rreziku për të prishur prova, intimiduar dëshmitarët por edhe gjykatën për shkak të vetë pozicionit politik që ajo gëzon aktualisht.
