Një ngjarje e rëndë tronditëse brenda familjes ndodhi mbrëmjen e së shtunë në fshatin Zëmblak në Maliq. 46-vjeçarja Luljeta Mullalli u vra nga bashkëshorti i saj, Gjergji Mullalli.
Nëna e 46-vjeçares, Muazez Ferati është shprehur se vajza e saj sapo ishte kthyer nga puna, teksa tregoi se ishin në proces divorci. Gjithashtu ajo u shpreh se vajza e saj ka pasur një jetë të vështirë dhe burri vetëm pinte dhe nuk e ndihmonte.
“Sot vajza kishte ardhur nga puna. Ai bërë atë që bërë. Më vrau vajzën, ngjarja ka ndodhur në drekë. Kishin probleme sepse burri pinte dhe nuk dërgonte asnjë në shtëpi. Kanë dy vajza dhe një djalë. Ishin të ndarë dhe nuk jetonin në një banesë. Ishin gati në divorc. Dje ishte kontakti i fundit me vajzën. Ai e ka pritur kur ka ardhur nga puna. Pashë çarçafin lartë, e ka mbytur se çfarë mund t’i këtë bërë tjetër. Më ka vuajtur vajza gjithë jetën”, ka treguar nëna e viktimës.
Pas vrasjes, autori ka hedhur trupin e saj në një gropë septike që ndodhej pranë banesës. Mësohet se çifti ka qenë në proces divorci.Trupi është çuar në morg për t’u ekzaminuar dhe kuptuar se çfarë mjeti është përdorur për vrasjen.
