Pas përplasjes së dhunshme që u krijua në Elbasan në Ditën e Verës, dy liderët politikë, Edi Rama dhe Lulzim Basha, kanë thumbuar vazhdimisht njëri-tjetrin në largësi.
Të dy e fajësojnë njëri tjetrin si iniciatorët e dhunës së shkaktuar, duke shfajësuar veten.
Kreu Demokrat, me anë të një mesazhi, u shpreh se Ramën nuk e bëjnë burrë banditët, duke përmendur ato të Fushë-Krujës që sipas tij i ka futur në listat e zgjedhjeve të 25 prillit.
MESAZHI I BASHËS:
Sot është një ditë feste, dita e luleve që simbolizojnë thyerjen e dimrit nga pranvera. Një thyerje e cdo shqiptari që është lodhur nga dimri. 14 marsi i sotshëm na ndan pak nga 25 prilli, ku shqiptarët do të bëjnë një ndryshim. Ata më kanë thirrur në këtë ndryshim, pas 8 vitesh premtimesh boshe kemi një plan konkret që do të bëjnë të mundur një jetë dinjitoze në jetën tonë.
Kujtoi se do të frikësonte popullin e Elbasanit, nuk ia doli dot, rrugët ishin plot e për plot. I ka dalë boja atyre, shqiptarëve i ka dalë frika, për të sjellë ndryshimin.
Edi Ramës po i them këto dy fjalë për ditën e verës.
Burrë nuk të bëjnë banditët pa të cilët nuk hyje dot në qytetin e Elbasanit, burrë nuk të bëjnë dot banditët e fushë krujës që i ke futur në listat e tua, burrë të bën përkushtimi ndaj vendit, prandaj ke nevojë si për morfinën dhe kokainën e banditët që të rrethojnë. Burrë të bën përkushtimi për të lënë pas përkushtimin personal. Ndali provokimet ndaj qytetarëve. Mos i provoko, dhe jepi fund kompensiomit të frikës që të shoqëron. Nuk na tremb dot ne, me 25 prill ti largohesh dhe Shqipëria fiton.
Ndryshimi po vjen, e prek dhe e ndjej kudo.
