Ditën e sotme ish-deputeti socialist Alqi Bllako është vënë në masën ‘arrest me burg’ nga Gkykata e Posaçme kundër Korrupsionit për akuzën ‘shpërdorim detyre’ dhe ‘korrupsion’ nga GJKKO.
Menjëherë pas vendimit avokati i Alqi Bllakos Sokol Azizaj ka deklaruar se kjo gjykatë nuk njeh Kodin e Procedurës Administrative, duke dërguar në një gjykim të padrejtë dhe jo ligjor. Avokati shton se Bllako ka bërë vetëm përcjelljen e dokumentacionit të akteve të prodhuara nga Këshilli i Ministrave.
“Më tepër është jo ligjore dhe jo e drejtë, la në fuqi këtë lloj vendimi që për në është tërësisht dhe haptazi jo vetëm në mungesë të respektit dhe lirisë të Alqi Bllakos, por edhe në mungesë të dijenisë që ka kjo gjykatë dhe organi procedural i hetimit për Kodin e Procedurës Administrative. Tre faktet penale për të cilat ka identifikuar organi procedural i hetimit, që lidhet me shpronësimin e tokës, janë akte të prodhuara jo nga Alqi Bllako, dakord? Nuk është prodhuar akti nga Alqi Bllako. Bllako në cilësinë e sekretarit të përgjithshëm ka përcjellë vetëm dokumentacionin për shkak të akteve që dalin nga këshilli i ministrave.
Kujtojmë se në komisariat Bllako u paraqit i vetëm, i pa shoqëruar nga familjarët apo avokati i tij mbrojtës. Referuar dosjes, Prokuroria e posaçme kërkoi arrestimin e deputetit të partisë socialiste Alqi Bllako me dyshimin se ka marrë në formë rryshfeti 150 milionë lekë për ndërtimin e inceneratorit të Fierit.
