Bulevardi ‘Elez Isufi’ në qytetin e Peshkopisë, mori plot 845 mijë euro investime për rehabilitimin e tij. Punimet nisin në fillim të vitit 2016, kur kryetar bashkie në Dibër ishte Shukri Xhelili.
Ndërkohë, punimet u mbyllën kur Muharrem Rama drejtonte bashkinë. Kur kanë kaluar 4 vite nga ky investim për një gjatësi rreth 600 metra, pllakat dekorative kaën dalë jashtë funksionit.
Ato janë zhvendosur dhe disa pjesë janë bosh.
“Është prishur se nuk ka cilësi, prandaj”, tha një banor. Ndërsa një tjetër u shpreh: “Nuk është mirë kështu, një plak i moshur rrëzohet këtu. Nuk ka shumë vite që janë bërë ndërtimet këtu”.
Qytetarët e Dibrës shprehen më tej se problemi më i madh është gjatë stinës së dimrit, ku dhe krijohet akull mbi to. Po ashtu, ata thonë se materiali i përdorur nuk është rezistent ndaj ngricës dhe temperaturave të ulëta.
Bulevardi “Elez Isufi” në qytetin e Peshkopisë është përdorur gjithonë si pedonale për banorët e këtij qyteti, ndaj dhe dëmtimi i tij ka krijuar probleme gjatë lëvizjes së qytetarëve.
/GazetaReforma.com/
