Brexit është afër dhe mesa duket Bashkimi Evropian nuk është duke u treguar aq strikt sa ç’është menduar.
Pikërisht ditën e sotme BE ka bërë me dije vendimin më të ri, ku ka vendosur që qytetarëve britanikë t’ju japë të drejtën për të lëvizur lirshëm në vendet anëtare të Unionit.
Ky vendim vjen edhe pas situatës ku Brexit nuk është duke arritur ende një marrëveshje.
Ky rregull i vendosur, iu lejon britanikëve që të kryejnë vizita brenda një periudhe 90 ditore. Mbështetje BE ka gjetur edhe nga Britania, e cila ka konfirmuar se edhe qytetarët e Bashkimit Evropian do të kenë mundësinë të bëjnë vizita afatshkurtra në Britaninë e Madhe pa vizë edhe pas 29 Marsit.
Por në një deklaratë, Këshilli i Evropës tha se kjo ishte një marrëveshje recirpociteti.
“Në rast se në të ardhmen, Mbretëria e Bashkuar do të fusë sistemin e vizave për të paktën një nga vendet anëtare të unionit, do të aplikohet mekanizimi i reciprocitetit.”
Data 29 mars është përcaktuar si momenti kur Britania e Madhe del nga zona e Unionit Evropian.
