Sammy Miri, kreu i klanit “Miri”, është paraqitur në gjykatë i shoqëruar nga policia gjermane, i veshur me syze dhe kufje.
Oficerët e armatosur rëndë e ndihmuan të pandehurin të dilte nga makina dhe ta çonin drejt sallës së gjyqit.
38-vjeçari, i njohur me pseudonimin “Wombatsock” në aplikacionin EncroChat, akuzohet për trafikim të paligjshëm dhe importim të drogës.
Sipas gazetës gjermane Bild, ai e pranoi menjëherë fajësinë, duke pohuar se kishte trafikuar kokainë për një bandë shqiptarësh për të shlyer borxhet e vëllait të tij.
Miri u arrestua në Turqi dhe më pas u ekstradua në Gjermani, ku tashmë po përballet me drejtësinë.
