Rritja e çmimeve veçanërisht e naftës, ka ngjallur një kaos të vërtetë në vend.
Shoqata e transportit publik ka bërë rezistencë duke reduktuar ndjeshëm numrin e urbanëve në qarkullim, gjë e cila bën që qytetarët të përjetojnë çdo ditë një tmerr.
Ndërkohë prej dy ditësh qytetarët janë në protestë për të shprehur revoltën e tyre kundër rritjes abuzive të çmimeve. Në mbledhjen e fundit me furnizuesit e naftës, qeveria është shprehur se çmimi i hidrokarbureve në pikat e karburanteve do të vendoset nga bordi kombëtar i posaçëm.
Sipas kryeministrit Rama, kush nuk do të vendosë çmimin e miratuar, do të përballet deri në mbyllje të pikës së karburantit.
Gjithashtu ai shtoi: Nuk jam ideolog i tregut të lirë apo shtetit si fuqi diktuese në ekonomi, por thjesht e vetëm mendoj që liria ekonomike është themelore”“Përfaqësuesit e qeverisë dhe ministrja e financave dhe e Infrastrukturës dhe Energjisë, drejtori i doganave dhe kryetari i autoritetit të Konkurrencës do të jetë në tavolinë me 5 përfaqësues nga ju. Nuk do të ketë asnjë tabelë në çdo pikë karburanti ku do të shfaqet një çmim pa u aprovuar nga bordi, kush e bën do të humbasë karburantin. Është luftë. Nuk jam ideolog i tregut të lirë apo shtetit si fuqi diktuese në ekonomi, por thjesht e vetëm mendoj që liria ekonomike është themelore”, u shpreh Rama.
