Qarkullimi i automjeteve në Pikën Kufitare të Qafë Botës është pezulluar përkohësisht që prej orës 06:30 të mëngjesit të së enjtes.
Shkak për këtë ndërprerje është bërë arrestimi i një punonjësi doganor grek në pikën e kalimit të Mavromatit.
Ende nuk janë bërë publike detajet lidhur me shkaqet e arrestimit, ndërsa pala greke ka vendosur shiritin e policisë në pikën kufitare, duke bllokuar lëvizjen e mjeteve.
Megjithatë, kalimi i këmbësorëve vazhdon të lejohet, por vetëm pa bagazhe. Situata mbetet e tensionuar dhe pritet reagimi i autoriteteve për të sqaruar zhvillimet.
