Moderatori i njohur Bledi Strakosha ka një afeksion të madh ndaj kafshëve dhe këtë e kemi kuptuar më së miri nga reagimet e tij publike.
Së fundmi gjatë një interviste në emisionin “Thumb”, Bledi është përlotur në studio teksa po fliste për qenushin e tij.
Rikujtojmë se moderatori i dashur për publikun është përlotur po ashtu në emisionin e Rudinës, ndërkohë asokohe filluan të shpërndaheshin me shpejtësi lajmet e tipit: “Shqipëria s’ka bukë të hajë, ky qan!”
Mirëpo lidhur me këtë, Bledi ka pohuar se ai nuk është kryeministri i Shqipërisë dhe se nuk ka asnjë përgjegjësi ndaj vendit: “Mbaj mend kur kam dalë te Rudina u përlota dhe nëpër portale u shkruajt ‘Shqipëria s’ka bukë të hajë, ky qan’. Unë nuk jam kryeministri i Shqipërisë, nuk kam asnjë përgjegjësi ndaj Shqipërisë. Kam emocionet e mia, nuk e shoh si shenjë dobësie të qarën. Mos e komento diçka kur nuk e kupton, ti s’i do kafshët, unë i dua.”
Strakosha, për ata që nuk e dinë, moderon emisionin “Me Bledin” që transmetohet në “RTSH”. /revistaclass
