Ditën e sotme numri i rasteve të reja dhe viktimave nga Covid-19 për 24 orë në Itali ka pësuar një rritje të ndjeshme.
Sipas autoriteteve italiane sot kanë humbur jetën 117 persona dhe janë identifikuar 584 raste të reja, duke e çuar numrin e përgjithshëm të viktimave në 33,072 ndërsa të personave të infektuar në 231,139.
Megjithatë, raste aktive me koronavirus janë 50,966, nga të cilët 7,729 po kurohen në strukturat spitalore, 505 në repartet e terapisë intesive, ndërsa 42,752 në kushte izolimi shtëpiak.
Nga fillimi i epidemisë në vendin fqinj e deri tani janë shëruar 147,101 persona 2,453 e të cilëve në 24 orëve të fundit.
Në rajonin e Lombardisë janë regjistruar sot 58 viktima, duke e çuar nurmin e tyre total në 15,954, si edhe janë identifikuar 384 raste pozitive.
Më herët ditën e sotme, kryeministri italian Giuseppe Conte ka bërë me dije se Komisioni Europian ka planifikuar një fond prej 750 miliardë eurosh për Italinë, për rimëkëmbjen pas pandemisë.
Conte e ka vlerësuar këtë si një lajm i mrekullueshëm duke thënë se edhe Italia do të futet në veprim.
“Sinjal i shkëlqyer nga Brukseli, përkon saktësisht me drejtimin të cilit i referohej Italia. Ata na quajtën vizionarë sepse ne e besuam këtë që nga fillimi. 500 miliardë euro në grante dhe 250 miliardë euro kredi është shifër e përshtatshme. Tashmë le të përshpejtojmë negociatat dhe të lirojmë burimet” ka shkruar ai në rrjetet sociale.
